සුජාතා අත්තනායකට හරසර පුදයි

අග්‍රාමාත්‍ය ආචාර්ය හරිනි අමරසූරිය පැවසුවේ ශ්‍රේෂ්ඨ කලාවකට ජාතියක්, ආගමක් හෝ භාෂාවක් නොමැති බවත්, කලාවේ සැබෑ භාෂාව මනුෂ්‍යත්වය සහ එකමුතුකම බවත්ය. ගුවන් විදුලි සංස්ථාවේ පැවති උපහාර උළෙලකදී ප්‍රවීණ ගායනවේදනී ආචාර්ය සුජාතා අත්තනායක මහත්මිය වෙනුවෙන් ඇය මේ අදහස් පළ කළාය.

අග්‍රාමාත්‍ය ආචාර්ය හරිනි අමරසූරිය අවධාරණය කළේ ශ්‍රේෂ්ඨ කලාවක් ජාතිය, ආගම හෝ භාෂාව වැනි සීමාවලින් ඔබ්බට යන බවයි. කලාවේ සැබෑ භාෂාව මනුෂ්‍යත්වය හා එකමුතුකම බව ද ඇය සඳහන් කළාය.

ශ්‍රී ලංකා ගුවන්විදුලි සංස්ථාව විසින් සංවිධානය කරන ලද 'ආචාර්ය සුජාතා අත්තනායක ප්‍රණාම' වැඩසටහන කුමාරතුංග මුනිදාස මැදිරියේදී පැවැත්විණි. දශක හතකට වැඩි කාලයක් පුරා මෙරට සංගීත ක්ෂේත්‍රයට සහ ගුවන්විදුලි සංස්ථාවට ආචාර්ය සුජාතා අත්තනායක ඉටුකළ සේවයට උපහාර පුද කිරීම මෙහි අරමුණ විය. එහිදී ඇයගේ ඡායාරූපයක් ද විවෘත කරන ලදී.

උත්සව සභාව අමතමින් අග්‍රාමාත්‍යවරිය පැවසුවේ ආචාර්ය සුජාතා අත්තනායකගේ සංගීත ගමන අවුරුදු අටක දැරියකව සිටියදී ආරම්භ වූ අතර, එය පරම්පරා ගණනාවක ආදරය දිනාගත් අද්විතීය කලා ගමනක් බවයි.