ඉරාන මොස්කිටෝ බලඇණිය ගැන පුටින්ගේ ප්රශංසාව
Reported by Lankadeepa
12 hours ago
රුසියානු ජනාධිපති ව්ලැදිමීර් පුටින් ඉරාන නාවික හමුදාවේ කුඩා ප්රහාරක බෝට්ටු විශාල ප්රමාණයක් යොදා ගන්නා උපාය මාර්ගය ඉතා ඵලදායී වන බව ප්රකාශ කර තිබේ. ඔහු රුසියානු නාවික හමුදා ප්රධානීන් සමඟ පැවති සාකච්ඡාවකදී මෙම අදහස් පළ කර ඇති අතර, එමගින් ඇමෙරිකානු දිගුදුර අවිවලට මුහුණ දීමේ හැකියාවක් ඇති බවද පෙන්වා දී ඇත.
රුසියානු ජනාධිපති ව්ලැදිමීර් පුටින් විසින් ඉරාන නාවික හමුදාවේ යුද උපාය මාර්ගය පිළිබඳව ප්රශංසා කර ඇති බව රුසියානු මාධ්ය වාර්තා කරයි. රුසියානු නාවික හමුදා ප්රධානීන් සමඟ පැවති සාකච්ඡාවකදී ඔහු මෙම ප්රකාශය සිදු කර ඇත.
සතුරු ඉලක්කයකට පහර දීම සඳහා කුඩා ප්රහාරක බෝට්ටු විශාල සංඛ්යාවක් යොදා ගැනීමේ ඉරාන උපාය මාර්ගය ඉතාමත් ඵලදායී බව පුටින් පවසා ඇත. මෙම කුඩා බෝට්ටු විශාල ප්රමාණයක් නිසා ඇමෙරිකානු දිගුදුර අවිවලට ඒවා විනාශ කිරීම අපහසු වන බවද ඔහු සඳහන් කර ඇත.
ඉරාන බෝට්ටු කුඩා වුවත් ඒවායේ නවීන තාක්ෂණයෙන් යුත් අවි ආයුධ ඇති බවත්, රුසියාවටද එවැනිම බලඇණියක් ඇති බවත් එය තවදුරටත් සංවර්ධනය කළ යුතු බවත් පුටින් අවධාරණය කර ඇත. ඉරානයේ මෙම බලඇණිය 'මොස්කිටෝ බලඇණිය' ලෙස හැඳින්වේ.